مـــنـــتـــديـــات دمـــعـــة الـــجـــوآهـــر
عزيزي الزائر الجدبد

اهلا وسهلا بك في منتداياتناا

(دمـعـةالـجـوآهـر)

بس بنتمنا انك تنور المنتدى بدخولك او بتسجلك

تحياتنا الكم من اسرتكم

ادارة المنتدى

mafia.2012@hotmail.com


لــكــل عـآشـــق وعـــآشــقـــة
 
الرئيسيةالبوابةاليوميةمكتبة الصورالأعضاءالمجموعاتالتسجيلدخول

شاطر | 
 

 ** الابتزاز **

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
admin
الاداره
avatar

عدد المساهمات : 400
تاريخ التسجيل : 30/06/2010
العمر : 27
الموقع : غزة

مُساهمةموضوع: ** الابتزاز **   الأحد أغسطس 29 2010, 00:56



مرحباااا
يا هلا وغلا بطلت اعضائنا الكراام
والله ما احد يقوم يسلم ما لها داعي
يا قدمكم احس غبار طالع منكم كح كح
والله اشتقتلكم مرره احس اني رجعت بين اهلي وجماعتي
ادري اني وحشتكم بعد<< والله ما احد طقلك خير
جاملوني بس

ما علينا
بخش بالموضوع

-----------------------------------------------------------------------------------

انا شاب سعودي مملوح<< اي هين
اعيش مع مامي وبابي لوحدنا ومعنا ميشو << هذي القطوه حقتنا << من زين هالخشه معك قطوه

وانا من عائله ثريه وبابي ومامي يحبوني مووت وما اطلب طلب الا يلبونه لي وانا دبدوب وطالعه لي شدوق من الثراء الفاحش<< شدوق = خدود

<< اي هين انت وخشتك من هالعائله
المهم

في يوم من الايام كنت جالس مع ربعي و هم ناوين يسافرون لسوريا وجلسو يقنعون فيني وانا اقولهم ما اقدر اما تسافرو باريس والا ما ابي اروح<< ام النووي

المهم قلت خلوني اشاور مامي وبابي

<< انا فكرت اني لو اقول لابوي سوريا مره وحده بيرفض عشان كذا بقوله الدمام واذا وافق اقوله سوريا جنب الدمام واني بروح لها بس مو اكيد

ورجعت للبيت لقيت ابوي جالس بالصاله وحاط رجل على رجل وفاتح قناة ابو ورده << هذا اسم الدلع للقناة السعوديه وشعارها القديم

واقمز عليه اهمز رجلينه واحب راسه خمس الف مره وحالتي معه حاله

واساله عن سوالف الشيبان وش علوم الوالد << اقصد جدي الي هو ابوه

وهو الي يرفسني لين طلعت رجله من ظهري << نسيت ان جدي مات منذو مبطي

ميسوو : يبه انا داخل على الله ثم عليك ان تقول تم

ابوي (وهو يصكني بالجزمه مقالس 42 )<< رجل ابوي كبيره وش اسوي: اقول اخلص وش تبي

ميسوو(وانا معطي وجهي خايف يجيني شي): ربعي بيسافرون للدمام وابي اروح معهم

ابوي: ما باقي الا هي تبي تروح للدعاره والسوالف الماصخه يالي ما تستحي < وهو الي يقوم ويترفس في بطني ويلعب بحلقي لعب وياله فكتني امي من يده

<< هذا وانا قايله الدمام كيف لو قايل سوريا

الجدير بالذكر ان عائلتي محافضه جدا<< وش رايكم بهالجمله والله انها تجنن

هذي مقدمه << للمعلوميه بس

نحش بالموضوع الرسمي

في يوم من الايام وانا نايم بالصاله تحت المروحه << طبعا

والسعابيل والزحمه تمشي وحاط اصبعي في خشمي ومتحمس وفال ام النومه

والي يجيني عصا المكنسه يمشي ترليون من امي وانا الي انقز من مكاني وما امداني اصحصح الا والوالده تكمل علي وتحوس تسبدي

ولما خلصت دبغ قالتلي بحنان الامومه: تبيك وحده بالتلفون<<< العن ام حنان الامومه الي كذا
وتسترسل امي كلامها ( تسترسل = تكمل<< ام الكلمات الي عندي): وش بناته يا ملعون الجدف صاير تغازل يا الهيس << اتحدى احد يعرف يترجم خخخخخخ

<<< انا في داخلي اقول اخووووس يا ميسووو صاير لك معجبات والله انك مو سهل

المهم

انا رحت ورديت على التلفون: الووو<< طبعا بكل حنان
الي على الخط( بصوت يدوخ ): انت ميسوو؟؟

<< وانا مطلع لساني من الوناسه

ميسوو: اي انا من معي؟<< طبعا لازم اسوي روحي اني ما همني والحقيقه اني ماكل هوا واللعاب ماسك مجراه
البنت: يعني انت ميسو المزيون الي يتكلمو عنك البنات ووه تجنن

ميسوو( وهو مطلع لسانه من الوناسه):فديتتس والله عيونك الحلوين<< فديتتس << (تس) اخير كلمه فديت هي تس النسوه

البنت: اقول لا يكثر بس

ميسوو: افاا مو قبل شوي اجنن؟؟!!

البنت: من زينك يا الشيفه كانك كفر ددسن

ميسوو: اقول عن الغلط يا ورعه<< مشكلتي لساني نضيف ما اعرف اغلط على احد

البنت: اقول كل كبر راسك بس .. اسمع انا معي صور اباحيه لك

وانا مطير عيوني : وااات؟؟!!

البنت: الي سمعت واذا مو مصدق ارسلك صوره منهم وتشوف

ميسوو: العن ام الصاروخ ما باقي الا هي انتي ووجهك الي كنه صدام جيب

البنت: خلاص تروح للمقبره وتروح لخامس قبر من اليمين

ميسوو: وش مقبره بعد انا اذا الروح للحمام في الليل اخذ معي ابوي من الخوف تبيني اروح لمقبره!!

البنت: خلاص رح للمخبز الافغاني الي بحارتكم وتحصل الصوره

ميسوو: اي قلتيلي اي قبر اروح احصل الصوره؟؟<< قالت ايش قالت افغاني عايف روحي انا ؟؟!!

المهم وصفتلي مكان ورحت باخذ الصوره من المقبره

وانا ادور القبر الا يطلعلي عامل المقبره<< وطلع افغاني

وانا الي ما تشوف الا غباري يـــــــــــــــــمـــــــااااااااااااااااا

المهم اني اخذت الصور من المقبره ولا تسالو كيف اخذتها << حفاظا على سمعت العائله

وانا اناظر الصوره ومطير عيوني وتدمع عيني من القهر وانا اشوف الصوره الي ما اعرف كيف اوصفها لكم حسبي الله عليكم يا الذئبات البشريه

كانت ابشع صوره بالحياة كانت حقا كارثه انسانيه

كانت صوره لي وانا .......<<يعني ايش تتوقعون مثلا؟؟<<يلعن ام تفكيركم

وانا راجع لبيتنا ومكتاب وحالتي حاله وافكر في مشرف العائله الي ضاع

والا تجي ذيك الددسن الي ماشه مليون وموجهه علي والا ربعي فيها << يا ليل

قال حسوو: ارحب يا ميسوو ياله مشينا نصفك بنقاليته الحاره <<< هذي كانت من اهم هواياتي

ميسوو: لا يا شيخ ما لي خلق ابي اروح للبيت<< وانا اسولف معهم كانت الصوره في يدي

ويلمحها حسوو : وش هالصوره الي معك؟

ميسوو( وهو يبلع ريقه): هااه .. لا ولاشي هذي صوره الشغاله حقتنا

حسوو: من متى عندكم شغاله؟؟<< قافطني العله

ميسوو: هااه لا مو الشغاله هذي صوره امي << العن ام التصريف

حسوو:: علينا؟؟!! اقول جب بس خلني اشوف وش الصوره

ميسوو: والله ما تشوفها يا ابن الذين هذي امي لابسه المايوه << يا كبر النصبه

وانا الي احط رجلي للبيت

وفي الليل

تتصل العله تقولي: تاكدت من الصوره؟؟

ميسوو: اي تاكده .. وش تبين الحين

البنت: ما ابي اكلف عليك ابي طلب بسيييييييط سهل مرره

ميسوو: اووما بسيط وصور فاضحه والعياذ بالله

البنت : اي مره بسيط بس ابيك تتزوجني

ميسوو( وهو مطير عيونه ): امما اتزوجك وشلون ترضي فيني بعد هالفضيحه؟؟

البنت: اي بس تزوجني وابيك بكره تجي تخطني من اهلي واذا ما جيت ترا بنشر الصور بالمايكرويف

ميسوو: الا المايكرويف خلاص بجي<<< يسمع بالمايكرويف

ومن بكره جاي ميسوو لبيتها لابس البشت ومتعطر ومضبط خشته

واول ما طق الباب الا يطلع ابو البنت: وش تبي؟؟

ميسوو يوم شافه وكانه شايف ابليس قدامه << كبييير ويخوف وعيونه طالعه وعبد كانه كفر تريله

ميسوو: لا شكلي مضيع بيتنا

وانا بحط رجلي الا يسحبني من بشتي ويدخلني البيت: انت الي جاي تخطب بنتي

ميسوو: لا والله امزح معك ما ابي اخطب كنت جاي اعلمكم اني انا الي ضربت ولدكم واني اخر مره اعودها وتكفى خلني اروح بيتنا

ابو البنت: اقول تعال بس

وهو الي يسحبني وانا متعلق بباب الشارع ابي احط رجلي وحالتنا حاله لين دخلني غصب

وقال لي: تبي تشوف عروستك الحين والا نخليها لليله الدخله؟؟

اعجبتني السالفه قلت:اي ابيها الحين

ويناديها وتدخل علينا كاشخه وانا من الحيا منزل راسي من قبل ما تدخل << يقال اني مستحي

ولما رفعت راسي وانا الي انهبل والزق بالزاويه

الله لا يوريكم منكر مثل الي شفته << يا هي تخوف بعنف

والله يا ابوها اطلق منها

االلهم اعوذ بك من الخبث والخبائث
شوفو بس شكلها

777
77
7








ميسوو: انت مهبول تبيني اخذ هذي يا شيخ لو اخذك انت ولا اخذها

واقوم واحط رجلي من البيتهم

ولما وصلت باب الشارع رجعت لها

ميسوو: الا على طاري الصور انشريهم انشريهم هي واقفه على هاالصور اصلا العائله مفضوحه مفضوحه

واحط رجلي لبيتنا

ولما وصلت البيت الا الوالد ينتظرني

ويمسكني ويترفس في بطني والعقال يلعب بالجو من الضرب

وهو يضربني يقول : ما باقي الا هي تكلم بنات يا الهيس << بلاه ما شاف البنت والا لا يقول كلمها لين تشبع

وهكذا انتهى يومي


** اتمنى ان تنال اعجابكم**




الرجوع الى أعلى الصفحة اذهب الى الأسفل
http://jaw3.yoo7.com
عاشق بلا حبيبة
الاعضاء
الاعضاء


عدد المساهمات : 23
تاريخ التسجيل : 03/09/2010

مُساهمةموضوع: رد: ** الابتزاز **   الجمعة نوفمبر 26 2010, 22:37

اسمع امانة تسلملي على مامتك وبابتك كتير السلام وقلهم عاشق بلا حبيبة لقى حبيبة ماشي يلا الله ايسهل عليك
الرجوع الى أعلى الصفحة اذهب الى الأسفل
 
** الابتزاز **
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مـــنـــتـــديـــات دمـــعـــة الـــجـــوآهـــر :: العام :: الأخبار والأحداث-
انتقل الى: