عيدية القلب

#poem_4cf2ea7a3b349 td {
font-family: tahoma, verdana, arial, helvetica, sans-serif;
font-size: large;
font-weight: bold;
}

كتبت في قلبي من أجلك قصيده
	تبقى لحبك نبض ما دامني حيّ
ورسمت لك بالعين صوره فريده
	فاقت حدود الزين ماتشبه لشيّ
إنتي بداياتي بدنيا جديده
	وإنتي نهايات لحياةٍ بلا ضيّ
ياسيدة قلبي وللقلب سيده
	أفديك انا بالعمر وأحسه شويّ
يوم اللقا للقلب هو يوم عيده
	وشوفك ضميته زي منهو ضما ميّ
ياليت عمرٍ فات أقدر أعيده
	عمري قبل ألقاك ماله أثر فيّ
ماعشت باللي فات فرحه أكيده
	قدأسعدت هذا أو أسهرت ذيّ
مافات مات وانتهي يا وحيده
	في قلب ملكه لك ماعاد هو ليّ
ويامالكه قلبي كتبتك قصيده
	للحب تبقى رمز مادمت انا حيّ